APAT ang napaulat na nasawi bunsod ng pananalasa ng Bagyong Crising at pinaigting na Habagat, ayon sa National Disaster Risk Reduction and Management Council (NDRRMC).
Sa pinakahuling situational report kahapon ng 3 P.M., kinumpirma ng NDRRMC na isa ang kumpirmadong nasawi sa Caraga Region, habang tatlong iba pa, na kinabibilangan ng dalawa mula sa Northern Mindanao at isa mula sa Davao Region, ang biniberipika pa.
Samantala, bina-validate din ng ahensya ang reports na tatlo rin ang nasugatan habang apat ang napaulat na nawawala.
Nasa 132,835 naman ang bilang ng mga pamilyang naapektuhan ng masamang panahon, o tinatayang 420,355 individuals, sa buong bansa.
Pinaka-naapektuhan ang MIMAROPA na may 1,896 affected families, sumunod ang region 9 na may 1,519 families, na nasa labas ng Evacuation Centers.
