APAT na Chinese Nationals at siyam na Pilipino ang arestado bunsod ng umano’y Illegal Mining Operations sa Bunawan, Agusan Del Sur.
Ayon sa Criminal Investigation and Detection Group – Caraga (CIDG-13), dinakip ang mga suspek dahil sa paghuhukay ng ginto at minerals nang walang permit mula sa Mines and Geosciences Bureau, na labag sa Philippine Mining o Republic Act 7942.
Inaresto ang apat na dayuhan sa Site 1 at Site 3 habang ang siyam na Pinoy ay dinakip sa Site 2.
Tinaya naman sa halos walong milyong piso ang halaga ng lahat ng kagamitan na narekober mula sa lugar.
