MULING nag-viral sa social media sina Kathryn Bernardo at Lucena Mayor Mark Alcala, dahil sa kani-kanilang litrato sa airport na ipinost sa online.
Namataan umano sina Kathryn at Mark sa Ninoy Aquino International Airport (NAIA), bagaman magkaibang oras, subalit parehong patungo ng Australia.
Kinumpirma ng sources na patungong Melbourne ang aktres habang sa Sydney ang destinasyon ng Alkalde.
Gayunman, hindi sinabi ng sources kung magkikita nga ang dalawa sa Australia.
Umingay ang tsismis sa online sa pagitan nina Kathryn at Mark, kasunod ng mga report na nagkikita ang dalawa noon pang Disyembre ng nakaraang taon.
Noong nakaraang buwan ay naispatan ang aktres at alkalde na magkasama sa Bonifacio Global City, bagaman hindi sila napiktyuran dahil nagmamadali umano silang sumakay sa van.
