KABILANG ang Award-Winning Actress and Singer na si Lea Salonga sa latest celebrities na pagkakalooban ng star sa Hollywood Walk of Fame sa susunod na taon.
Siya ang kauna-unahang Filipina celebrity na makatatanggap ng naturang parangal.
Una nang kinilala ng Hollywood Chamber of Commerce ang tatlong male celebrities na may Filipino Heritage na sina Singer-Songwriter Bruno Mars, Rapper Apl. de. Ap, at Comedian Rob Schneider.
Isa sa mga unang nagdiwang sa pagkakapili kay Lea ang Manila International Film Festival na nag-nominate sa kanya.
Makakasama ni Lea ang tatlumpu’t apat na iba pang Global Entertainment Figures bilang bahagi ng Walk of Fame’s Class of 2026.
