PUMAYAG ang Israel sa “necessary conditions” para maisapinal ang animnapung araw na tigil-putukan sa Gaza, ayon kay US President Donald Trump.
Sa post sa Truth Social, sinabi ni Trump na makikipag-ugnayan ang Amerika sa lahat ng partido upang matuldukan na ang digmaan.
Gayunman, hindi nagbigay ng iba pang detalye ang US president kung ano ang posibleng laman ng Ceasefire Agreement.
Idinagdag ni Trump na umaasa siyang tatanggapin ng Hamas ang deal dahil kung hindi ay maaring mas lumala ang sitwasyon.
