MAGSISILBING host ang Pilipinas sa 3rd FIG Artistic Gymnastics Junior World Championships.
Ang tournament na itinakda simula sa Nov. 20 hanggang 24 ngayong taon, ay gaganapin sa Marriott Grand Ballroom sa Pasay City.
Inanunsyo ni FIG President Morinari Watanabe ang balita, matapos i-award ng FIG Executive Committee ang Artistic Gymnastics Junior World Championships sa Gymnastics Association of the Philippines.
Ang Pilipinas ay mayroong Perfect Gymnast para ma-inspire ang National Gymnasts, gayundin ang mga fans, lalo na’t naiuwi ni Carlos Yulo ang dalawang gintong medalya mula sa 2024 Paris Olympic Games.
