NAKAUWI na sa bansa ang unang batch ng mga Overseas Filipino Workers (OFWs) na na-repatriate mula sa iba’t ibang bansa sa Middle East, sa gitna ng hidwaan sa pagitan ng Israel at Iran.
Mag-a-alas otso kagabi nang lumapag ang sinakyan nilang eroplano mula Qatar, sa Terminal 3 ng Ninoy Aquino International Airport.
Una nang na-delay ang flight ng OFWs matapos isara ng Qatar ang kanilang airspace, matapos bombahin ng Iran ang U-base sa naturang bansa.
Ang mga umuwing OFWs ay kinabibilangan ng dalawampu’t anim mula sa Israel, tatlo mula sa Jordan, at tig-isa mula sa Palestine at Qatar.
Kasama rin nila sa flight si Department of Migrant Workers (DMW) Secretary Hans Leo Cacdac na personal na inasikaso at sinundo ang mga umuwing Pinoy.
Pagkakalooban ng karampatang tulong ang mga OFW na nag-avail ng Repatriation Program ng pamahalaan, alinsunod sa direktiba ni Pangulong Ferdinand Marcos Jr.
