Pinay Tennis Star Alex Eala, pinayuko ang Top Seed na katunggali para makapasok sa Eastbourne Open Main Draw

PINAYUKO ng Filipina Tennis Ace na si Alex Eala ang Top Seed na si Hailey Baptiste ng United States, sa score na 6(1)-7, 7-6(4), 6-1, sa Second Round ng Eastbourne Open para mag-qualify sa Main Draw ng Tournament.

Matapos ang neck-and-neck affair sa First Two Sets, dinomina ng World No. 77 na si Eala ang World No. 56 na si Baptiste sa Third Set para makuha ang 5-0 lead, bago tuluyang nakamit ang tagumpay.

Tumagal ang kanilang laro ng dalawang oras at apatnapu’t pitong minuto.