KINANSELA ng Commission on Elections (COMELEC) 2nd Division ang registration ng Duterte Youth Party-list.
Ayon kay COMELEC Chairman George Erwin Garcia, sa botong 2-1 napagpasyahan ng 2nd Division na kanselahin ng Party-list registration ng Duterte Youth.
Ang resolusyon ay kaugnay ng kasong isinampa laban sa Duterte Youth noon pang 2019.
Ayon kay Garcia, sa kabila ng pasya ng COMELEC 2nd Division, ang naturang Party-list Group ay maaari pang maghain ng Motion for Reconsideration sa COMELEC En Banc.
Mayroong limang araw ang Duterte Youth para maghain ng apela sa En Banc.
Mayroon pang isang kaso na nakabinbin laban sa Duterte Youth na nasa COMELEC 1st Division.
Ito ay may kaugnayan naman sa usapin ng Red-Tagging.
