TUTUKAN ngayon ni Filipina Tennis Ace Alex Eala ang doubles tournament, kasunod ng early exit sa singles tournament ng Italian Open.
Makakatambal ng disi nueve anyos na Pinay sa doubles tournament ng kompetisyon ang 2023 US Open Champion na si Coco Gauff ng America.
Ang bente uno anyos na si Gauff ay Ranked No. 3 sa Women’s Tennis Association (WTA).
Samantala, si Eala naman ay kaaakyat lang sa career-high na No. 70.
Sisimulan nina Eala at Gauff ang kanilang doubles run laban kina Alexandra Panova ng Russia at Fanny Stollar ng Hungary sa Round of 32.
Gayunman, wala pang inilalabas na schedule para sa doubles tournament ng Italian Open.
