AABOT sa 85 Million Pesos na halaga ng smuggled frozen agricultural and beverage products ang nasamsam ng Bureau of Customs (BOC) matapos ang inspeksyon sa isang warehouse sa Paranaque City.
Ayon kay Customs Commissioner Bienvenido Rubio, isinagawa ang inspections kasunod ng pag-i-isyu niya ng Letter of Authority (LOA) sa Customs Intelligence and Investigation Service-Manila International Container Port noong Sept. 5.
Isinilbi ng mga operatiba ng CIIS-MICP ang loa sa kinatawan ng warehouse kung saan natagpuan ang iba’t ibang poultry, meat, at iba pang mga produkto mula sa China na hinihinalang walang proper customs duties and taxes. Pansamantalang ipinadlock at sinelyuhan ang warehouse upang maprotektahan ang mga produkto para sa isasagawang final inventory ng customs examiner na sasaksihan ng warehouse representatives, CIIS and enforcement and security service.
