HINDI bababa sa apatnapu’t anim katao, kabilang ang tatlumpu’t pitong bata, ang nalunod sa pagdiriwang ng Hindu Festival sa Eastern India.
Ayon sa opisyal mula sa Bihar Disaster Management Department, nalunod ang mga biktima sa magkakahiwalay na insidente sa Bihar State habang ritwal na naliligo sa ilog at lawa na lumalim bunsod ng pagbaha kamakailan.
Binalewala umano ng mga residente ang panganib ng taas ng tubig sa mga ilog at lawa para lamang makaligo habang ipinagdiriwang ang kapistahan.
