Pitong turista ang na-ospital matapos paghinalaang nalason matapos uminom ng cocktails o tinimplang inumin sa isang bar sa isang upscale resort sa Fiji.
Apat na Australians, kasama ang tatlong iba pa na pinaniniwalaang foreign nationals, ang isinugod sa ospital matapos silbihan ng inumin na gawa sa isang bar sa Warwick Fiji.
Sa statement ng health ministry, dumanas ang mga turista na edad 18 hanggang 56, ng pagkaliyo, pagsusuka, at “neurological symptoms.”
Nangyari ang insidente, ilang linggo matapos masawi ang anim na turista mula sa methanol poisoning sa Laos, dahilan para maglabas ng mga babala laban sa pagkonsumo ng alak sa ibang bansa.
