NASABAT ng mga awtoridad ang 68 million pesos na halaga ng shabu sa buy-bust operation sa isang mall sa Pasay City.
Dinakip ng mga tauhan ng Philippine Drug Enforcement Agency (PDEA) ang dalawang lalaking suspek na nagpakilalang pasahero at driver ng isang ride-hailing company subalit kalaunan ay nabisto na magkapatid.
Nang inspeksyunin ang sasakyan ng mga suspek ay natagpuan ng mga operatiba ang sampung kilo ng hinihinalang shabu.
Ayon sa PDEA, galing sa Zamboanga City ang magkapatid at pabalik-balik sa Metro Manila para sa kanilang mga iligal na transaksyon.
