60,000 metric tons ng bigas na matagal nang nakaimbak sa warehouse, isusubasta na ng NFA

ISUSUBASTA ng National Food Authority ang nasa 60,000 metriko toneladang bigas nito na luma na o matagal nang nakaimbak sa kanilang Warehouse.

Ito ay para maiwasan ang tuluyang pagkasira ng mga ito at para lumuwag din sa Warehouse ng ahensya.

Ayon kay Agriculture Secretary Francisco P. Tiu Laurel Jr., na siya ring Chairman ng NFA Council, sa pamamagitan nito ay masusuportahan din ang Rice Supply sa bansa sa pag-iral ng Ban sa pag-aaangkat ng bigas.

Sinabi ng NFA na isasagawa ang Auction sa buwan ng Oktubre pero ang mga Government Relief Agencies gaya ng Department of Social Welfare and Development ang bibigyan ng pagkakataon na unang makabili ng Rice Stock simula sa Setyembre.