HINDI bababa sa anim ang patay habang ilan pa ang nawawala matapos lumubog ang isang ferry sa Tourist Island ng Bali, sa Indonesia.
Ayon sa Surabaya Office of the National Research and Rescue Agency, lulan ng bangka ang limampu’t tatlong pasahero at labindalawang crew members nang lumubog ito habang patungong Bali mula sa Banyuwangi sa Eastern Coast ng Java Island.
Sinabi ng ahensya na tatlumpu’t isang survivors ang nasagip, habang nagpapatuloy pa ang Search Operations.
Gayunman, lumabas sa iba’t ibang reports na posibleng mas marami pa ang mga nakasakay na pasahero subalit hindi nakalista sa opisyal na Manifesto.
Patuloy naman ang imbestigasyon ng mga awtoridad sa sanhi ng paglubog ng ferry.
