PATAY ang isang limampu’t anim na taong gulang na lalaki makaraang saksakin at tagain ng kanyang kasamahan sa trabaho, sa Brgy. Capoocan, Calbayog City.
Batay sa imbestigasyon, nagkaroon umano ng pagtatalo ang dalawa dahilan para umalis ang biktima at pagbalik nito ay may dala na itong itak.
Nagpambuno ang dalawa hanggang sa matumba ang biktima at naagaw ng suspek ang itak, saka nito tinaga at pinagsasaksak ang katrabaho.
Naisugod pa sa ospital ang biktima subalit hindi na ito umabot ng buhay.
Sumuko naman ang suspek sa punong barangay ng Barangay Obrero at dinala ito sa Calbayog Police Station.
