HINDI bababa sa limampung boko haram fighters ang nasawi habang pitong miyembro ng Infrastructure Security Force ng Nigeria ang nawawala matapos tambangan ng mga rebelde ang convoy na nagbabantay sa power grid installations ng bansa.
Ayon kay Babawale Afolabi, spokesperson ng Nigerian Civil Defense Corp, inambush ng nasa dalawandaang boko haram fighters ang security operatives habang nagsasagawa ng patrol mission.
Bagaman karaniwang nag-o-operate ang Boko Haram sa hilagang silangan, sinabi ng Nigerian Authorities na magyroon ding balwarte ang rebeldeng grupo sa malalaking muslim niger state, kung saan nakapagsagawa ang mga ito ng mga pag-atake laban sa militar at mga sibilyan.
Sa hiwalay na pag-atake sa Borno State, inihayag din ng tagapagsalita na limang sundalo ang pinaslang ng mga hinihinalang rebelde.
