LIMA ang nasawi, kabilang ang isang pulis, sa pamamaril ng isang lalaking armado ng Assault-Style Rifle sa isang Skyscraper sa Manhattan, New York.
Kinilala ng New York Police Commissioner Jessica Tisch ang gunman na si Shane Tamura, bente syete anyos, residente ng Las Vegas.
Nabatid na may history umano ng Mental Illness ang gunman at ilang araw pa lang nang magtungo sa New York.
Wala pang malinaw na motibo na nakikita ang mga awtoridad sa naturang krimen, at pinaniniwalaan na mag-isa lamang itong ginawa ng suspek.
