4,000 na manggagawa sa Eastern Visayas, target na maisama ng DOLE sa YAKAP

PLANO ng Department of Labor and Employment (DOLE) sa Eastern Visayas na pangasiwaan ang Registration ng nasa apatnalibong manggagawa sa pribadong sektor ngayong taon para sa pag-avail ng libreng Health Services sa ilalim ng Yaman ng Kalusugan Program (YAKAP).

Sinabi ni DOLE Regional Information Officer Norma Rae Costimiano na layunin nilang dalhin ang YAKAP Registration sa may dalawampung malalaking establisyimento sa rehiyon, na ang bawat isa ay mayroong nasa dalawandaang empleyado.