APAT na miyembro ng New People’s Army (NPA) ang nasawi habang dalawang iba pa ang sumuko sa serye ng sagupaan laban sa tropa ng pamahalaan sa Catubig, Northern Samar.
Kabilang ang mga ito sa tinatayang tatlumpung NPA members mula sa Regional Guerilla Unit at Sub-Regional Committee Arctic sa ilalim ng Eastern Visayas Regional Party Committee na nakasagupa ng mga sundalo.
Ayon sa 8th Infantry Division, sumiklab ang mga engkwentro kasunod ng sumbong ng mga residente tungkol sa presensya ng armadong kalalakihan na umano’y nangingikil sa lugar.
Tatlong armas ang narekober din ng mga awtoridad sa serye ng bakbakan sa Barangay Nagoocan, sa bayan ng Catubig.
