UMAASA si ML Party-List Representative Leila de Lima na magbabago pa ang posisyon ni Pangulong Ferdinand Marcos Jr. sa isyu ng pagbabalik ng Pilipinas bilang miyembro ng ICC.
Ayon kay de Lima, ang pasya at mga pahayag ng pangulo sa usapin ay naghahatid ng maling signal sa sambayanang Pilipino at maging sa global community.
Nagtataka ang mambabatas kung ano ang pumipigil kay Pangulong Marcos para gawing miyembro ulit ng ICC ang Pilipinas.
Bilang ICC member, sinabi ni De Lima na makasisiguro ang mamamayan na ang mga mass murderers ay maparurusahan kung hindi sila kayang maimbestigahan o mapapanagot sa ilalim ng domestic system ng bansa.
Una nang sinabi ng Malakanyang na nananatili ang posisyon ni Pangulong Marcos na hindi magre-rejoin ang Pilipinas sa Rome Statute.




