PATAY ang tatlong katao matapos araruhin ng isang truck ang iba pang mga sasakyan sa Batasan-San Mateo Road sa Quezon City.
Sa kuha sa dashcam ng isang sasakyan makikitang rumaragasa ang isang truck at bigla na lamang itong tumagilid.
Nangyari ang aksidente 11:30 ng gabi ng Miyerkules (May 28) habang binaybaybay ng truck ang kalsada na patungo sa San Mateo Rizal.
Inararo ng nasabing ng truck ang 2 motorsiklo, 1 kotse, at 1 AUV.
Hawak na ng mga otoridad ang 38-anyos na driver ng truck.
Ayon sa driver biglang humina umano ang preno ng minamaneho nyang truck at nawalan na siya ng kontrol.
Ayon sa traffic investigators ng Quezon City Police, kabilang sa nasawi ang isang nag-aabang lamang sa waiting shed, isang lalaking sakay ng motorsiklo at isa pa.
Mahaharap ang driver ng truck sa reklamong Reckless Imprudence Resulting in Multiple Homicide and Multiple Injuries.
