PATAY ang tatlong miyembro ng isang pamilya sa salpukan ng kotse at truck, sa Malungon, Sarangani.
Nangyari ang aksidente sa kahabaan ng National Highway sa Barangay Talus.
Kinilala ang mga nasawi na sina Abdulmajid Sarapudin, asawa niyang si Ivy Lou, at tatlong taong gulang nilang anak na babae.
Lulan ng kotse ang mag-anak nang mawalan ng kontrol si Sarapudin matapos dumulas ang unahang gulong nito sa kalsada dahil sa bitak sa pagitan ng semento at aspalto.
Sumalpok ang sasakyan ng pamilya sa kasalubong na truck na naging dahilan ng kanilang agarang kamatayan.
