Umabot na sa 344 ang bilang ng mga nasawi matapos bumaha at mabulabog ng malalakas na monsoon rains ang hilagang bahagi ng Pakistan nitong mga nakaraang araw. Maraming komunidad, lalo na sa lalawigan ng Khyber Pakhtunkhwa, ang nawalan ng tirahan nang wasakin ng tubig at lupa ang mga bahay at kalsada.
Sa Buner district, na itinuturing na epicenter ng kalamidad, daan-daang pamilya ang nawalan ng bahay dahil sa biglaang cloudburst at landslide. Hindi pa natatapos ang bilang ng nawawala, habang patuloy ang pagsisikap ng mga rescuer upang makapagligtas sa gitna ng patuloy na pagbuhos ng ulan at nagiging delikadong lagay ng panahon.
Royal Palace sa Britain, handang tumulong sa mga otoridad hinggil sa koneksyon ni Former Prince Andrew kay Jeffrey Epstein
14, patay sa pagguho ng gusali sa Tripoli City sa Lebanon
Libo-libong katao, nagluksa para sa mga biktima ng suicide bombings sa Islamabad
Lalaking nagtangkang i-assassinate si US President Donald Trump, hinatulan ng habang buhay na pagkabilanggo
Nagdeklara ng “state of emergency” ang lokal na pamahalaan sa Buner at isinasagawa ang malawakang rescue operations. Sa kasamaang-palad, nagkaroon din ng trahedya ang pagbagsak ng isang helikopter na ginagamit sa relief operations—limang miyembro ng crew ang patay dito.
May mga evacuation centers nang itinayo para sa mga pamilyang hirap nang makaalis ng kanilang mga bahay. Matatandaang libu-libong turista rin ang nailikas mula sa matatarik at delikadong daanan dahil sa patuloy na panganib.
