NAKATAKDA ring dumating sa bansa mamayang hapon ang dalawampu’t isang Filipino Seafarers na nailigtas mula sa Merchant Ship na MV Tutor matapos atakihin ng Houthi Rebels sa Red Sea noong nakaraang linggo.
Ayon sa Department of Migrant Workers (DMW), ang mga pinoy seafarers ay sinalubong ni Philippine Ambassador to Bahrain Anne Jalando-On Louis noong Sabado at sasamahan sila ni DMW Labor Attache Hector Cruz sa kanilang flight.
Sinabi naman ni DMW Secretary Hans Leo Cacdac na dumating sa Port of Manama sa Bahrain noong Sabado ang lahat ng dalawampu’t isang pinoy nang ligtas at nasa maayos na kalagayan.
Batay sa reports, inatake ng Houthi Rebels ang liberian-flagged na barko sa pamamagitan ng drones at missiles noong Miyerkules malapit sa Yemeni Port of Hodeidah na nagdulot ng matinding pagbaha at pinsala sa engine room.
