200 pang Pinoy mula Kuwait, nakauwi na ng bansa; 36 Filipino seafarers, ligtas na nakalabas ng strait of hormuz ang kanilang barko

LIGTAS na nakabalik sa bansa ang dalawangdaan pang Pinoy na galing sa Kuwait.

Lulan ang mga Pinoy ng Gulf Air Flight GF154 na lumapag sa NAIA Terminal 3 noong Martes, April 28.

Sinalubong sila ng mga kinatawan mula sa DMW, OWWA at DSWD para matiyak na agarang maibibigay ang kanilang pangangailangan.

Ang mga Pinoy na uuwi pa sa malalayong probinsya ay tinulungan para sa pansamantala nilang matutuluyan habang inaasikaso ang kanilang domestic flight.

Tinulungan ding makabiyahe pauwi ang mga taga-Metro Manila at mga kalapit na probinsya.

Samantala, dalawa pang barko na may lulang mga Pinoy Marino ang nakalabas nang ligtas sa Strait of Hormuz.