TIMBOG ang dalawang chinese nationals dahil sa pagbebenta umano ng hindi rehistradong mga gamot, sa Parañaque City.
Kinilala ni PNP criminal investigation and detection group (CIDG) Chief, Police Brig. Gen. Nicolas Torre III, ang mga suspek bilang “Hu” at “Quan.”
Sa isinagawang buy-bust operation, nasamsam ng mga tauhan ng detective and special operations unit ng CIDG ang kahon-kahong chinese medicines, na hindi naka-rehistro sa food and drug administration (FDA).
Nag-ugat ang operasyon mula sa intelligence report na isang criminal group ang sangkot sa pagbebenta ng unregistered medicines, na ipinakakalat sa iba’t ibang bahagi ng Metro Manila.
