PINATUNAYAN muli ni Evol Louise Abrito Millares kung bakit karapat-dapat siya sa titulong Poomsae Queen ng Eastern Visayas.
Ito’y matapos masungkit ni Millares ang gold medal sa individual Poomsae sa Eastern Visayas Athletic Meet 2025 sa Tacloban City.
Una nang nanalo si Millares ng gold medal sa Poomsae noong 2018, 2019, at 2023, bagaman noong nakaraang taon ay nakakuha lamang siya ng silver medal.
Dahil sa kanyang mga tagumpay ay ilang beses siyang naging kinatawan ng rehiyon sa palarong pambansa.
Si Millares ay naging taekwondo jin sa edad na lima at simula noon ay lumahok na ito sa iba’t ibang kompetisyon.
