Hindi bababa sa labimpitong Palestinians ang nasawi habang marami ang nasugatan sa Israeli strike sa Central Gaza sa bayan ng Zawayda, sa gitna ng bagong evacuation orders ng Israel, kasunod ng pinakawalang rocket ng Hamas.
Inanunsyo rin ng Israel ang mga pangalan ng dalawang sundalo na namatay sa pagsambulat ng roadside bomb sa Central Gaza Strip, at isang air strike sa inokupang west bank kung saan dalawang senior Hamas militants na sangkot sa pagpaslang sa isang Israeli.
Nangyari ang karahasan bago ang inaasahang pagdating ni US Secretary of State Antony Blinken sa Israel at pakikipagpulong kay Prime Minister Benjamin Netanyahu.
Karamihan sa mga nasawi sa Zawayda ay mula sa isang pamilya, kabilang ang walong bata at apat na kababaihan, ayon sa health officials ng Gaza.
