LABING apat katao ang inaresto habang sampung biktima ng sex trafficking ang nasagip, kabilang ang disi sais anyos na babae, sa ikinasang operasyon sa Comic-Con International Convention sa San Diego, California.
Ang convention na dedicated sa comic books at pop culture ay taunang ginagawa sa San Diego at nakahihikayat ng mahigit 130,000 na mga manonood sa mga nakalipas na taon.
Kamakailan ay naglunsad ang San Diego Human Trafficking Task Force ng California Department of Justice ng undercover operation para targetin ang sex trafficking sa tatlong araw na convention.