14-anyos na Grade 9 student sa Javier, Leyte, nakumpiskahan ng iligal na droga sa loob ng paaralan

NAREKOBER mula sa isang katorse anyos na Grade 9 student sa loob ng isang public high school sa Javier, Leyte ang hinihinalang iligal na droga dahil sa pinalakas na koordinasyon sa pagitan ng law enforcement at school authorities.

Kinilala ng pulisya ang Child in Conflict with the Law (CICL) sa alyas lamang na “CMC,” bilang pagtalima sa batas na nagpoprotekta sa pagkakakilanlan ng mga menor de edad.

Ayon sa Javier Municipal Police Station, nangyari ang insidente sa Javier National High School sa Poblacion I, Javier, Leyte.

Sa inisyal na imbestigasyon, kinompronta ng school staff member ang naturang estudyante, kasama ang dalawa pang kamag-aral, dahil sa pakalat-kalat malapit sa hagdan patungo sa roof deck ng paaralan.