Tumaas ng 15.5 percent ang bilang ng mga bagong sasakyan na naibenta noong Enero sa gitna ng paglulunsad ng mga bagong modelo at expansion ng Electric Vehicles (EVs) sa Pilipinas.
Sa joint report ng Chamber Automotive Manufacturers of the Philippines, Inc. (CAMPI) at Truck Manufacturers Association (TMA), lumobo sa 34,060 units ang kanilang naibenta noong Enero mula sa 29,499 units na naitala sa kaparehong buwan noong nakaraang taon.
Bumaba naman ang vehicle sales ng 13 percent mula sa 39,153 units na naibenta noong Disyembre kung kailan karaniwang mas mataas ang demand.
