Ilang kalsada sa Navotas City ang isasara sa biyernes para bigyang daan ang Pangisdaan Street Dance Competition.
Sa Facebook post, inabisuhan ng Navotas City Public Information Office ang mga motorista na iwasang dumaan, simula 5:30 a.m. hanggang 9 a.m. sa M. Naval Street (Navotas City Hall), A. Santiago Street, Gov. A. Pascual, P. Cadorniga Street at C-4 Road (corner M. Naval Street to R-10 Bridge).
Ang street dance parade na lalahukan ng iba’t ibang paaralan sa lungsod, ay magsisimula sa harapan ng City Hall, ala singko y medya ng umaga.
Ang naturang aktibidad ay bahagi ng 118th Founding Anniversary ng lungsod sa January 16.
