GUIN amin san padre de pamilya nga si Edito Candiz nga siya mismo an nagpatay san iya mag-iroy sa Brgy. Pupua, Catbalogan City.
Ini in kahuman niya sumurender sa kapulisan Huwebes nga adlaw, September 21, 2023.
Nahitabo an insidente sadto nga petsa uno san Sityembre, yana nga tuig.
Labot san iya asawa nga si Rhea, 26 anyos, guin patay liwat san suspek an iya 5-ka bulan ngan tres anyos nga anak.
Samtang, guin amin liwat san suspek nga siya manta an nagpatay san iya ugangan nga lalaki sadto nga 2021 nga waray la gihapon kareresolbar hasta sa pagkayana.
Dara an halaba nga hinagiban, boluntaryo liwat nga guin surrender ni Candiz sa pulisya an nasabi nga armas nga iya guin gamit san pagpukan san kinabuhi san iya mag-iiroy.