Hiniling ng National Power Corp. (NAPOCOR) sa Energy Regulatory Commission (ERC) na payagan ang pagtataas nila ng singil na papasanin ng customers sa off-grid areas sa bansa.
Ipinanukala ng NAPOCOR ang bagong set ng Subsidized Approved Generation Rates (SAGR) para sa Small Power Utilities Group (SPUG) areas.
Kinabibilangan ito ng Mindoro, Marinduque, Palawan, Catanduanes, Masbate, Romblon, Tablas, Camotes, Siquijor, Bantayan, Basilan, Sulu, at Tawi-tawi.
Alinsunod sa Electricity Power Industry Reform Act of 2001, mandato ng NAPOCOR na mag-provide ng kuryente at associated power components sa off-grid islands at mga komunidad sa bansa.