PINANGUNAHAN ni Michele Gumabao ang panalo ng Creamline kontra Cignal sa score na 25-20, 25-20, 25-16, sa 2023 Premier Volleball League (PVL) All-Filipino Conference sa harap ng apatnalibong fans sa Batangas City Sports Center.
Gumawa si Gumabao ng 20 points sa kanyang second straight start para sa Cool Smashers, nang wala sina eight-time best setter Jia De Guzman bunsod ng Japan V.League stint nito at mid blocker na si Ced Domingo, na nakatakdang mapabilang sa isang Thai Club.
Hindi rin nakapaglaro si Kyla Atienza na mayroon umanong injury.
Patuloy naman ang limitadong paglalaro ni Alyssa Valdez na ipinasok lamang noong second set at naka-score lamang ng 3 three points kabilang ang last two hits sa frame.
