Ilang araw matapos kumpirmahin ni Xian Lim na nagde-date na sila ng film producer na si Iris Lee, hindi na nag-aksaya pa ng panahon ang aktor para i-flex ang bagong girlfriend sa social media.
Pinasilip ni Xian sa fans ang behind-the-scenes photos mula sa sinu-shoot niyang bagong pelikula, na project nilang dalawa ni Iris.
Sa kanyang Instagram, pinost ng aktor ang mga eksena mula sa kanilang shoot sa Thailand, pati na ang litrato nilang dalawa habang magkatabing nakaupo sa set.
Nilagyan ni Xian ng caption ang litrato na “kuman thong” na pamagat din ng pelikula.
Kinumpirma nina Xian at Kim Chiu ang kanilang paghihiwalay noong Disyembre matapos ang labindalawang taong pagiging magkasintahan.
