Balik bansa ang aktor na si Tom Rodriguez halos dalawang taon matapos ang divorce nila ni Carla Abellana.
Nakipagkita si Tom sa talent manager at film producer na si Popoy Caritativo, bagaman hindi pa ibinunyag ang detalye ng kanilang meeting.
Sa Instagram, ibinahagi ni Popoy ang pagkikita nila sa Mandaluyong ng aktor, na winelcome naman ng veteran actress na si Coney Reyes at mga supporter ni Tom.
Simula noong 2022 ay tumira si Tom sa US matapos kumpirmahin ang pagdi-divorce nila ni Carla noong Hunyo ng naturang taon.
Noong nakaraang taon ay nag-file ang aktres ng “petition for recognition” ng kanilang divorce sa Pilipinas, dahil hindi ito legal sa bansa.
