OPISYAL na ipinakilala si Taylor Swift bilang miyembro ng “Three-Comma-Club,” kasabay ng pagkumpirma ng Forbes na pumalo na sa mahigit isang bilyong dolyar ang assets ng american singer-songwriter.
Sinabi ng financial news outlet na si Taylor ang kauna-unahang artist na nakaabot sa billionaire status dahil lamang sa kanyang musika, at tinatayang mayroon siyang 1.1-billion dollar fortune.
Ang trenta’y kwatro anyos na singer-songwriter ay mayroong malawak na real estate portfolio, kasama ang mga bahay sa New York, Beverly Hills, Nashville, at isang Coastal Mansion sa Rhode Island.
Kabilang sa industry heavyweights na narating din ang kaparehong estado ni Taylor, ay sina Rihanna at Jay-Z, na kumita ng malaki sa pamamagitan ng fashion brands, alcohol companies, o entertainment holdings.
