Iginiit ng Philippine National Police (PNP) na wala silang intensyong pigilan ang anumang karapatan, nang harangin ang mga raliyista na patungo sa pagdarausan ng anibersaryo ng People Power Revolution noong Lunes.
Sa press conference, kanina, binigyang diin ni PNP Chief Police General Benjamin Acorda Jr. na ginagawa lamang nila ang kanilang mandato.
Sinabi ni Acorda na wala namang problema kung nais ng mga raliyista na galing sa mga lalawigan na sumali sa pagtitipon, subalit mayroong mga paglabag, gaya ng out of line.
Ipinunto ng PNP Chief na kailangan din nilang ipatupad ang traffic laws and regulations ng Land Transportation Office.
