Pangungunahan ni Hidilyn Diaz-Naranjo ang kampanya ng bansa para sa olympic berths sa International Weightlifting Federation (IWF) World Cup na gaganapin sa Phuket, Thailand simula March 31 hanggang April 11.
Makakasama ng 2020 Tokyo Olympic Gold Medalist sa tournament, na final qualifier para sa Paris Olympics ang kapwa Zamboangueñas na sina Rosegie Ramos para sa Women’s 49-kilogram at Kristel Macrohon.
Gayundin sina Lovely Inan ng Women’s 49-kilogram; John Febuar Ceniza para sa Men’s 61-kilogram; Elreen Ann Ando at Vanessa Sarno.
Sina Macrohon at Sarno ay kapwa sasabak sa Women’s 71-Kg habang sina Diaz-Naranjo at Ando ay sa Women’s 55-Kg category.
