NASA Melbourne, Australia si Pangulong Ferdinand “Bongbong” Marcos Jr. para sa ASEAN-Australia Special Summit.
Lumapag ang presidential plane na sinakyan ng pangulo at buong philippine delegation, alas kwatro kinse ng hapon, kahapon (oras sa Pilipinas).
Kabilang sa mga sumalubong kina Pangulong Marcos at First Lady Liza Araneta-Marcos nang dumating sila sa Melbourne Airport ay sina Australian Assistant Minister for Foreign Affairs Tim Watts, Australian Ambassador to the Philippines HK Yu, Asean Lead Liaison Officer Amy Elridge, at iba pang mga opisyal.
Sa sidelines ng special summit, magkakaroon si Marcos ng bilateral meetings sa Cambodia at New Zealand.
Sa kanyang departure speech, inihayag ni Marcos na gugunitain sa summit ang limampung taong relasyon ng ASEAN at Australia, batay sa imbitasyon ni Australian Prime Minister Anthony Albanese.
