Nagsagawa ng aerial inspection si pangulong Ferdinand “Bongbong” Marcos Jr. sa Davao Region, upang makita ang lawak ng pinsala ng matinding pagbaha at landslides.
Kasabay ito ng pag-bisita ng pangulo sa Davao City, kahapon, para sa iba’t ibang aktibidad.
Pinangunahan din ng punong ehekutibo ang situation briefing sa Davao City hinggil sa epekto ng shear line at extension ng Low Pressure Area.
Iprinisinta kay pangulong Marcos ang lawak at halaga ng pinsala ng masamang panahon.
Nagbigay na naman ng direktiba ang pangulo sa mga kaukulang ahensya na tulungan ang mga nasalanta at isaayos ang mga sinira ng kalamidad.
