Pinangunahan ni pangulong Ferdinand “Bongbong” Marcos Jr. ang pamamahagi ng electronic land titles sa mahigit dalawanlibo animnaraang agrarian reform beneficiaries sa Davao Region.
Sa seremonya sa Rizal Memorial Colleges gym sa Davao City, ipinamahagi ni Marcos ang e-titles sa mga magsasaka mula sa mga lalawigan ng Davao del Norte, Davao del Sur, Davao Occidental, Davao Oriental, Davao de Oro, at Davao City.
Saklaw ng mga titulo ang kabuuang tatlunlibo limandaang ektarya ng lupang sakahan.
Sa kanyang talumpati, tiniyak ng pangulo ang patuloy na pagbubuhos ng mga serbisyo at ayuda ng gobyerno para sa mga magsasaka, tungo sa kanilang paglaya sa kahirapan.
Ibinida rin ng punong ehekutibo ang naipamahaging mahigit siyamnapung libong titulo ng lupa noong 2023, na lagpas ng apatnapung libo mula sa target limampung libong titulo.
