NANINIWALA ang Philippine Travel Agencies Association (PTAA) na may negatibong epekto sa ekonomiya ang mas mahigpit na rules sa Chinese nationals na bumibisita sa Pilipinas.
Sinabi ni PTAA President Evangeline Tankiang-Manotok na Chinese tourists ang major source ng income para sa Pilipinas, at posibleng mawalan ng gana ang mga Chinese na magtungo sa bansa kung pahihirapan sila sa pagpasok.
Aniya, posible pa nga na mag-isyu ang China ng travel advisories laban sa Pilipinas.
Noong nakaraang linggo ay inanunsyo ng Department of Foreign Affairs na hihigpitan ng Pilipinas ang visa requirements para sa Chinese tourists, sa gitna ng maraming iligal na aplikasyon na natatanggap ang embassy at consulates sa China.
