MISMONG si Michael V. ang tumuldok sa mga espekulasyon na nagsu-shooting na ng final episodes ang comedy series na “Pepito Manaloto.”
Nilinaw ng actor-comedian na hindi totoo ang tsismis, at ang lumabas na litrato nila na nag-gu-group hug, at nagre-represent lamang ng remembrance at appreciation.
Sinabi ni Michael V. na masaya lamang ang cast na ang kanilang on- and off-screen na samahan ay nananatiling matatag sa kabila ng mga nakakatakot nilang pinagdaanan noong pandemic.
Idinagdag pa ni Bitoy na mayroon silang “Summer Special” na kinunan pa sa Nueva Ecija at ipalalabas sa susunod na episodes ng naturang TV show.
