HUMINGI ng paumanhin si Megan Young matapos maging kontrobersyal ang pag-ayos nito sa buhok ni Miss Botswana Lesego Chombo.
Nagsilbing host sa Miss World 2024 si Megan Young.
Ayon kay Young, mabuti ang intensyon niya sa pag-ayos niya sa buhok ni Miss Botswana.
Pero nalaman niya na “culturally unacceptable” ang kaniyang ginawa.
Sinabi ni Young na nagkausap na sila ni Miss Botswana at humingi na siya ng paumanhin dito.
Humingi ng paumanhin si Young sa lahat ng nakapansin sa nangyari at sinabing hindi niya intensyon na mag-invade ng personal space o sadyaing gawing hindi komportable si Miss Botswana.
Sa kaniyang post sa facebook, sinabi naman ni Miss Botsawana na na-appreciate niya ang mga pag-aalala sa kanya.
Gayunman, hindi aniya tama na sirain ang ibang tao gamit ang kaniyang pangalan.
Nanawagan din si Miss Botswana sa lahat na maging mabuti kay Megan.
Mayroon din namang ilan ang nagpahayag ng papuri sa ginawa ni Megan Young.
Anila, ang pag-ayos ni young sa buhok ni Miss Botswana ay nagpapakita lamang ng pagsuporta ng mga beauty queen sa isa’t isa.
