DUMALO ang aktres na si Maricel Soriano sa ikalawang araw ng hearing ng senate Committee on Public Order and Dangerous Drugs sa umano’y “PDEA leaks.”
Kabilang ang veteran actress sa mga idinawit sa dokumento na umano’y listahan ng mga drug user sa bansa.
Maging si Pangulong Ferdinand “Bongbong” Marcos Jr. ay pinangalanan din sa naturang PDEA file.
Sa naturang hearing ay pinayuhan ni Senador Ronald “Bato” Dela Rosa, Chairman ng komite, si Maricel na mag-relax at uminom ng tubig nang mapansin niyang tensyonada ang aktres.
Inamin naman ni Maricel na kinakabahan siya dahil unang pagkakataon na dumalo siya sa pagdinig ng senado.
Inamin din nito na dati niyang pag-aari ang condo na nabanggit sa PDEA leaks.
