NILINAW ni Manila Mayor Honey Lacuna na hindi humingi ang lokal na pamahalaan sa Sri Lankan Government ng kapalit ni Mali, na nag-iisang elepante sa Pilipinas na namatay noong Nobyembre ng nakaraang taon.
Sinabi ni Lacuna na nagpadala lamang sila ng sulat sa pamahalaan ng Sri Lanka upang ipabatid na pumanaw na si Mali, subalit wala silang binanggit na humihiling sila ng isa pang elepante.
Inihayag ng Alkalde na hindi pa tumutugon ang Sri Lankan Government sa kanilang liham.
Binanggit ni Lacuna na noong panahon ni dating Manila Mayor Isko Moreno, isang Sri Lankan Ambassador ang nagsabing sakaling may mangyari kay Mali dahil sa edad nito ay handa silang mag-donate ng isa pang elepante sa lungsod.
